လုပ်ငန်း လုပ်ဆောင်မှု အတွက်သော်လည်းကောင်း၊ ပညာသင်ကြားမှု အတွက်သော်လည်းကောင်း ကွန်ပျူတာကို မဖြစ်မနေသုံးရမည့် ခေတ်ကြီးထဲတွင် data လုံခြုံမှုအတွက် ဖြစ်စေ၊  ကိုယ်ရေး လုံခြုံမှုအတွက်ဖြစ်စေ အလေးထား ဆောင်ရွက်ရပါလိမ့်မယ်။ ထိုသို့သော လုံခြုံမှုကို ပေးစွမ်းနိုင် သည့် ဆော့ဖ်ဝဲများမှာ security suite များပင် ဖြစ်ပါသည်။ Security Suite တစ်ခုသည် Antivirus ဆော့ဖ်ဝဲတစ်ခု လုပ်ဆောင်နိုင်စွမ်းနှင့် Internet Security ဆော့ဖ်ဝဲတစ်ခုတို့၏ လုပ်ဆောင်နိုင်စွမ်းများအားလုံးပါဝင်သည့်အပြင် အခြားသော လိုအပ်နိုင်ဖွယ် ကိစ္စများအတွက် ဆောင် ရွက်ချက်များလည်း ပါဝင်ပါသည်။ ဤဆောဖ့်ဝဲသည် အခကြေးငွေ အထိုက်အလျောက် မြင့်မားစွာပေး၍ ဝယ်ယူသုံးစွဲရသော ဆော့ဖ်ဝဲဖြစ်ပါသည်။ ထို့ကြောင့် ပေးရသော အခကြေးငွေနှင့် ထိုက်တန်စွာ လုပ်ဆောင်ပေးနိုင်ခြင်း ရှိမရှိကို အောက်ပါအချက်များနှင့် ချိန်ထိုးစစ်ဆေးသင့်ပါသည်။

Signature Detection အားကောင်းခြင်း
ကွန်ပျူတာခေတ်ဦးတွင် ပေါ်ပေါက်ခဲ့သော Security ဆော့ဖ်ဝဲတို့သည် Malware များကို စစ်ဆေးရာ၌ Virus signature ကိုသာ အခြေပြု၍ အစမှအဆုံးတိုင် အလုပ်လုပ်ခဲ့ကြပါသည်။ Signature ဆိုသည်မှာ Malware (Virus အပါအဝင်) တစ်ခုပါဟု ဆုံးဖြတ်နိုင်စေသော စရိုက်လက္ခဏာပင် ဖြစ်ပါသည်။ အသစ်တွေ့ရှိလာရသော application တစ်ခု သို့မဟုတ် ဖိုင်တစ်ခုသည် Malware ဟုတ်မဟုတ် ဆုံးဖြတ်ရာ၌ ကြိုတင်စုဆောင်းထားသော Signature database ထဲမှ အချက်အလက်များနှင့် တိုက်ဆိုင် စစ်ဆေးရပါသည်။ ဤနည်းလမ်းဖြင့်သာ Malware အဟောင်းများကိုရော၊ ပုံစံပြောင်းလာသည့် Malware များကိုရော မှတ်မိသိရှိစေပြီး လုံခြုံရေးပါရဂူများက ဆန်းစစ်မှု ပြုနိုင်ပါလိမ့်မည်။

ဟက်ကာလူဆိုးတို့က Malware များကို နည်းလမ်းပေါင်းစုံဖြင့် နေ့စဉ်နှင့်အမျှ ပြုလုပ်ပြီး အင်တာနက်ပေါ် တင်ပေးနေပါသည်။ ထို့ကြောင့် ကွန်ပျူတာသုံးစွဲသူတို့ကလည်း လုံခြုံရေးပညာရှင်များ အသစ်ထပ်ဖြည့်သော Malware တို့၏ စရိုက်လက္ခဏာ စာရင်းကြီးကို အမြဲတစေ update လုပ်နေရပါသည်။ ထိုစာရင်းကို နေ့စဉ်သာမဟုတ် နာရီပိုင်းအလိုက်ပင် ထပ်မံ ဖြည့်စွက်နေရပါသည်။ Security Update များပေးရာ၌ ဆော့ဖ်ဝဲထုတ်လုပ်သော ကုမ္ပဏီတစ်ခုနှင့်တစ်ခု အချိန်ကာလ သတ်မှတ်ပုံများ မတူပါ။ ကြိုးစားအားထုတ်မှု အကောင်းဆုံးကုမ္ပဏီများက တစ်နာရီလျှင် တစ်ကြိမ် update ထုတ်ပေးပါသည်။ အချို့ကုမ္ပဏီများက ၄ နာရီမှ ၆ နာရီခြား တစ်ကြိမ်ထုတ်ပေးပြီး ကုမ္ပဏီအများစုမှာ တစ်ရက်လျှင် တစ်ကြိမ်သာ update ထုတ်ပေးပါသည်။

Zero day threat ဟုခေါ်သော  Malware ၏ ခြိမ်းခြောက်မှုအန္တရာယ် ပေါ်လာသည့်အခါ Signature ကို အခြေခံပြီး အလုပ်လုပ်သည့် Antivirus များနှင့် Spyware တို့သည် လုံးဝ အသုံးမကျတော့ သလို ဘေးဖယ်စဉ်းစားခြင်း ခံလာကြရပါသည်။ အဆိုပါ Malware သည် ယင်းအား ဖော်ထုတ်တွေ့ ရှိသည့် နေ့၌ပင် အန္တရာယ်ပြုနေပြီ ဖြစ်ပါသည်။ ယနေ့ အချိန်တွင် Malware ဖန်တီးသည့် အလုပ်သည် ပရိုဂရမ်ဘာသာစကားတစ်ခု ကျွမ်းကျွမ်းကျင်ကျင်တတ်သည့် ပုဂ္ဂိုလ်ကချည်း ပြုလုပ်သည့် အလုပ်မဟုတ်တော့ပါ။ Malware ဖန်တီးသည့် လုပ်ငန်းစဉ်ကို ရောင်းကုန်သဖွယ် အခကြေးငွေဖြင့် အင်တာနက်ပေါ်တွင် ပြုလုပ်လာကြပါသည်။

Zeus ဟူသော ဆောဖ့်ဝဲမှာ ပရိုဂရမ်ဘာသာစကား မကျွမ်းကျင်သူတို့အား Malware ပညာရှင်အဖြစ်သို့ ပို့ပေးမည့် ဆော့ဖ်ဝဲများထဲမှ နမူနာတစ်ခု ဖြစ်ပါသည်။ ထို့ကြောင့် နိုင်ငံတကာသုံး ငွေကြေး တစ်စုံတစ်ရာရှိသော ပုဂ္ဂိုလ်တစ်ယောက်သည် Malware လုပ်နည်းလုပ်ဟန်ကို ဝယ်ယူပြီး ဟက်ကာတစ်ယောက် အလွယ်တကူ ဖြစ်လာနိုင်ပါသည်။ ကွန်ပျူတာကို ပီပီပြင်ပြင် သုံးတတ်ရုံမျှဖြင့် ဟက်ကာဖြစ်လာနိုင်သည့် အခြေအနေမျိုး ရှိပါသည်။ ထိုသို့သော ဟက်ကာများလည်း တစ်နေ့တခြား များပြားလာသလို ထိုသူတို့ ဖန်တီးသော Malware များကလည်း တစ်နေ့တခြား များပြားလာသည်ဖြစ်ရာ လုံခြုံရေးပညာရှင်တို့က Malware analysis ကို အလျဉ်မီအောင်လုပ်ဖို့ မလွယ်တော့ပါ။

သို့သော်လည်း Signature ကို အခြေမခံဘဲ အလုပ်လုပ်နိုင်သော Antivirus ဆော့ဖ်ဝဲများ ပေါ်ပေါက် လာရေးမှာ များစွာ အလှမ်းဝေးနေပါသေးသည်။ Windows OS သုံးသော နယ်ပယ်တစ်ခုထဲ၌ပင် Malware သန်းချီ၍ ရှိနေပါသည်။ သို့သော် Malware တိုင်းသည် လုံးလုံးလျားလျား အသစ်မဟုတ်ဘဲ အချို့မှာ နဂိုရ်ရှိရင်း Malware ကိုပင် အနည်းငယ်မျှ အသွင်ပြောင်းထားခြင်း ဖြစ်ပါသည်။ ထို့ကြောင့် အချိန်နှင့် တစ်ပြေးညီ ထိုက်သင့်အားလျော်စွာ ဖြည့်စွက်ပေးနေသော Signature database တစ်ခု လက်ဝယ်ရှိထားလျှင် မိမိ PC ကို အတိုင်းအတာတစ်ခုထိ ကာကွယ်ထားနိုင်ပါမည်။

Malware အများစုကိုလည်း စက်တွင်းမှ ဆွဲထုတ်ပစ်နိုင်ပါလိမ့်မည်။ အချိန်ယူပြီး အပင်ပန်းခံလုပ်ရမည့် လုံခြုံရေးဆိုင်ရာ လုပ်ငန်းစဉ်များ ပြုလုပ်နိုင်သည့် အချိန်အထိစောင့်နေပါက ထိခိုက်နစ်နာမှု ကြီးမားနိုင်ပါသည်။ ယနေ့ မြန်မာနိုင်ငံတွင်ရရှိနေသော အသင့်အတင့် အင်တာနက် အမြန်နှုန်းကို သုံး၍ Signature update ကို နေ့စဉ်လုပ်ကိုင်မည်ဆိုပါက (အင်တာနက် နေ့စဉ်သုံးရသူဆိုလျှင် Auto update ဖြစ်အောင် ချိန်ညှိပေးထားနိုင်ပါသည်။) မိနစ် ၂၀ ထက်မပိုသော ကာလအတွင်း လုပ်ငန်းပြီးစီးနိုင်ပါသည်။ Update file download ဆွဲလျှင် တစ်နာရီနီးပါး ကြာနိုင်ပါသည်။ Security suite ဝယ်ရာ၌ ယင်းဆော့ဖ်ဝဲထုတ်လုပ်သော ကုမ္ပဏီသည် မည်မျှ တိုတောင်းသော အချိန်တွင်း update တစ်ကြိမ်စီ ထုတ်ပေးနိုင်သည်ကို အလေးထားစဉ်းစားရပါမည်။


Behaviour based နှင့် Cloud based detection လုပ်ပေးနိုင်ခြင်း
မိမိစက်အတွင်းသို့ ဝင်လာသည့် application သို့မဟုတ် ဖိုင်တစ်ခုသည် malware ဟုတ်မဟုတ် signature detection နည်းတစ်ခုတည်းဖြင့် စစ်ဆေးရန် မဖြစ်နိုင်ဟု ဆိုသည့်အခါ ယင်း၏ ပြုမူဆောင် ရွက်ပုံများကို စောင့်ကြည့်ပြီး malware ဟုတ်မဟုတ် ဆုံးဖြတ်ရသည့် အခြေအနေသို့ ရောက်လာပါသည်။ ပညာရပ်အခေါ်အားဖြင့် heuristic scanning ဟူသော နည်းမှာ behaviour based scanning ပင် ဖြစ်ပါသည်။

ဤနည်းဖြင့်  ဝိုင်းဝန်းစစ်ဆေးသည့်တိုင် malware ဟုတ်မဟုတ် မဆုံးဖြတ်နိုင်သေးပါက အဆိုပါ မသင်္ကာဖွယ် application သို့မဟုတ် ဖိုင်အား အင်တာနက်ပေါ်တင်ပြီး cloud based detectionဖြင့် ထပ်မံစစ်ဆေးပါသည်။ Cloud based ဖြင့် စစ်ဆေးရာတွင် Virus Engine တစ်မျိုးတည်း သုံးတော့သည် မဟုတ်ဘဲ Engine 10 မျိုးမှ ၄၀ မျိုးအထိသုံးပြီး ဝိုင်းဝန်းစစ်ဆေးကြခြင်း ဖြစ်ပါသည်။ ထို့ကြောင့် ယနေ့ခေတ် Security suite တစ်ခုတွင် behavior based နှင့် Cloud based detection စွမ်းရည် နှစ်မျိုးလုံးပါဝင်ရေးသည် အလွန်အရေးကြီးသော အချက် ဖြစ်လာပါသည်။

Security Suite ရောင်းသူတို့က ထိုအရည်အသွေးနှစ်ရပ်ကို နာမည်ဆန်းဆန်းပေးပြီး ဆော့ဖ်ဝဲထဲတွင် တွဲထည့်ပေးတတ်ကြပါသည်။ အသစ်ပေါ်လာသော မျိုးမည်မသိ Virus ကို စစ်ဆေးမှုများဖြင့် သိမြင်နိုင်သည်လည်း ရှိသလို ကွန်ပျူတာ သုံးစွဲသူက မိမိ အတွေ့အကြုံအပေါ် အခြေခံကာ မည်သို့မည်ပုံ ဆောင်ရွက်ရမည်ကို ဆုံးဖြတ်ပေးလိုက်ရခြင်းမျိုးလည်း ရှိနိုင်ပါသည်။ မိမိထည့်သွင်းလိုက်သော ဆော့ဖ်ဝဲတစ်ခုအား disable လုပ်ခြင်း uninstall လုပ်ခြင်းတို့အတွက် access  permission (ဥပမာ- Admin) ရှိရန်လိုပါသည်။ တရားဝင်ဆော့ဖ်ဝဲရော malware ကပါ အဆိုပါ access permissionကို တောင်းလေ့ရှိပါသည်။ ထို့ကြောင့် ဆုံးဖြတ်ရခက်ပါသည်။ Security Suite သည် တစ်ခါတစ်ရံ မှားယွင်းဆုံးဖြတ်ခြင်း (False positive) မျိုး ရှိနိုင်ပါသည်။ ထို့ကြောင့် မိမိဘာသာ သေချာလျှင်ဖြစ်စေ (ဥပမာ- Cracked software သုံးခြင်း) ဆည်းပူးလေ့လာမှုအရ သိလျှင်ဖြစ်စေ လိုအပ်သလို ကြားဝင် ဆောင်ရွက်ဖို့လိုပါသည်။

အကောင်းဆုံးသော security suite တို့သည် malware warning ပေးသည့်အခါ သုံးစွဲသူ အများပေးထားသည့် မှတ်ချက်တို့အပေါ် အခြေပြု၍ စစ်ဆေးဆုံးဖြတ်မှုမျိုး ပြုလေ့ရှိပါသည်။ သူ့ဘာသာ ဆုံးဖြတ် ဆောင်ရွက်တတ်သော Security ဆော့ဖ်ဝဲမျိုးဖြစ်လျှင် သံသယရှိသော ဆော့ဖ်ဝဲအပေါ် ကွန်ပျူတာသုံးစွဲသူ၏ ထင်မြင်ယူဆမှုအဆင့် (rating) ပေးစေပါသည်။ နောင်ထုတ်လုပ်မည့် Version များတွင် အဆိုပါ သတ်မှတ်ချက်တို့ကို အခြေပြုလျက် Behavior Engine ကို ပြုပြင်ယူပါသည်။ ထို့ကြောင့် မှားယွင်းဆုံးဖြတ်မှုများ နည်းပါးစေသည့်အပြင် စစ်ဆေးမှု လုပ်ငန်းစဉ်ကိုလည်း ပိုမိုမြန်ဆန်စေပါသည်။

Security suite တစ်ခုသည် သုံးစွဲသူများလေလေ ပရိသတ်ထဲမှလာသော သတင်းအချက် အားကောင်းလေလေ ဖြစ်ပါသည်။ သို့သော် သုံးစွဲသူအများဆုံး ဆော့ဖ်ဝဲမှရလာသော သတင်းအချက် အလက်တိုင်းသည် ထည့်သွင်းစဉ်းစားရန် မထိုက်တန်ပါ။ ထို့ကြောင့် Security ဆော့ဖ်ဝဲ ထုတ်လုပ်ရောင်းချသူတို့သည် တစ်ဦးနှင့်တစ်ဦး user infromation များကို မျှဝေအသုံးပြုကြရပါသည်။ Security suite တစ်ခု၏ ထိရောက်မှုကို ဆုံးဖြတ်နိုင်ရန်အတွက် အခါအားလျော်စွာ ထုတ်ဝေသော နည်းပညာ ဆောင်းပါးများကိုလည်း ဖတ်ရှုသင့်ပါသည်။

Firewall သည် နှစ်လမ်းသွားဖြစ်ခြင်း
Firewall သည် မည်သည့် Windows တွင်မဆို default ပါဝင်နေပြီး default သည်လည်း ဖြစ်ပါသည်။ မရှိသည်ထက်စာလျှင် သုံးပျော်သည့် firewall လည်းဖြစ်ပါသည်။ မိမိဝယ်ယူသုံးစွဲသော security suite တွင် သက်ဆိုင်ရာ Firewall ပါလာသင့်ပါသည်။ မိမိကွန်ပျူတာအား ထိပါးလာမည့် အန္တရာယ်များ စက်အတွင်းသို့ မရောက်မီ မည်သည့်နေရာမှမဆို စစ်ထုတ် ဖယ်ရှားပစ်နိုင်ရပါမည်။ Security suite အားလုံးရှိ firewall တိုင်းသည် စွမ်းရည်တူညီသည် မဟုတ်ပါ။ အကောင်းဆုံး Firewall တွင် အပိုစွမ်းဆောင်ရည်များပါလာပါသည်။

မိမိ၏ အင်တာနက်ချိတ်ဆက်မှုကို လည်းကောင်း၊ မိမိ၏ wifi ကွန်ရက်အတွင်း လူစိမ်းများ ဝင်ရောက်ချိတ်ဆက်ရန် ကြိုးပမ်းမှုကိုလည်းကောင်း အဆိုပါ firewall မျိုးက စောင့်ကြည့် သတိပေးနိုင်ပါသည်။ ထို့ပြင် မိမိကွန်ပျူတာထဲမှ data များ အပြင်သို့ စိမ့်ထွက်ပြီး ပြင်ပ Malware တစ်ခုခုကို ဆွဲသွင်းရန် ကြိုးစားမှုများကိုလည်း ရပ်တန့်ပေးပါလိမ့်မည်။ ယင်းသို့ အတွင်းရန် အပြင်ရန် နှစ်ခုလုံးကို စောင့်ကြည့်တားဆီးပေးနိုင်သည့် firewall မျိုးကိုသာ အသုံးပြုသင့်ပါသည်။ မိမိရွေးချယ်ထားသော Firewall ကို ပုံမှန် update လုပ်ရန်လည်း အသေအချာ သတိပြုရပါမည်။ Firewall အသစ်ကို သုံးလျှင် Windows တွင် default ပါသော firewall ကို disable လုပ်ရန်လည်း သတိထားဖို့ လိုပါသည်။