လူမျိုးတစ်ရာ့တစ်ပါးမှာ ရေးကြပြောကြတဲ့ ဘာသာစကားက အမျိုးမျိုးဆိုတော့ တစ်ယောက်ရဲ့စာ ဒါမှမဟုတ် ဘာသာစကားကို တစ်ယောက်က အလွယ်နဲ့ နားလည်အောင် ဘာသာပြန်စနစ် လိုပါတယ်။  ဘာသာစကား နှစ်မျိုးလုံး နားလည်တဲ့ လူတစ်ယောက်ရှိရင် အဆင်ပြေတယ်ဆိုပေမယ့် လူတစ်ယောက်ဟာ တိုင်းခြား ဘာသာစကားတစ်ခုကို နားလည်အောင် နှစ်နဲ့ချီပြီး လေ့လာယူ ကြရပါတယ်။ ဘာသာပြန်ဖို့ ကိစ္စတွေ အများကြီး လိုလာပြီဆိုရင် လူအင်အား အရင်းအမြစ်ကလည်း အများကြီး လိုလာပါမယ်။ ဒါကြောင့် ကျွန်တော်တို့ရဲ့ ဘိုးဘေးဘီဘင် လူသားတွေဟာ လူအစား စက်နဲ့ ဘာသာပြန်မယ့် စနစ်ကို ကြံဆစဉ်းစားခဲ့ကြပါတယ်။ စက်နဲ့ ဘာသာပြန်စနစ်ကို တည်ထောင်ဖို့ ကြံစည်ခဲ့တဲ့ စိတ်ကူးစိတ်သန်းဟာ ၁၇ ရာစုနှစ်လောက်ကစပြီး ပေါ်ပေါက်ခဲ့ပါတယ်။ ၁၆၂၉ ခုနှစ်မှာ Rene Descartes ဆိုတဲ့ လူဟာ တစ်ခုတည်းသော ကမ္ဘာသုံး ဘာသာစကား ပေါ်ပေါက်လာစေဖို့ အဆိုပြုခဲ့တယ်။ အမှတ်သင်္ကေတ တစ်ခုစီကို ဘုံအဖြစ်သုံးပြီး ကွဲပြားခြားနားနေတဲ့ ဘာသာစကားတွေကို အလွယ်တကူ ပေါင်းစည်းပေးနိုင်ဖို့ ရည်ရွယ်ခဲ့တာပါ။ ဒါပေမဲ့ နည်းပညာပိုင်းဆိုင်ရာ အခက်အခဲတွေကြောင့် စက်နဲ့ဘာသာပြန်တဲ့ အဆင့်ထိ မရောက်ခဲ့ပါဘူး။ လူအစား စက်ကို သုံးစွဲပြီး ဘာသာပြန်တဲ့ အလုပ်ဟာ ၂၀ ရာစု အစပိုင်းရောက်မှစပြီး အကောင်အထည်ဖော်တဲ့ အဆင့် ရောက်လာပါတယ်။ ဘာသာပြန်လုပ်ငန်းမှာ ကွန်ပျူတာသုံး ပြီး ဆောင်ရွက်မယ်ဆိုတဲ့ စိတ်ကူးလဲ အဲဒီအချိန်က ရှိခဲ့တယ်။

ဒီစိတ်ကူးကို ၁၉၄၆ ခုနှစ်မှာ A.D Booth ဆိုတဲ့ လူကစပြီး အဆိုတင်တယ်။ စိတ်ကူးယဉ်မယ်ဆိုလည်း ယဉ်လောက်ပါတယ်။ ကမ္ဘာ့ ပထမဆုံးကွန်ပျူတာလို့ ဆိုလောက်တဲ့ ENIAC ကွန်ပျူတာကြီးဟာ ၁၉၄၆ ခုနှစ်မှာစပြီး ပေါ်နေပြီ။ ရန်ကုန်မြို့လည်ခေါင်က အခန်းကျယ်တိုက်ခန်းကြီး တစ်ခန်းစာလောက် နေရာယူတဲ့ ကွန်ပျူတာကြီးကိုသုံးပြီး ကွန်ပျူတာဘာသာပြန် စနစ်ကို Warren Weaver ဆိုတဲ့လူက ရေးပါတယ်။ ကမ္ဘာပေါ်မှာ ပထမဆုံး ကွန်ပျူတာ ဘာသာပြန်စနစ်လို့ ပြောနိုင်တာက ၁၉၅၄ ခုနှစ်မှာ ပြုလုပ်ခဲ့တဲ့ George Town Experiment ပါ။ ရုရှားဘာသာနဲ့ ရေးထားတဲ့စာကြောင်း ၆၀ ကျော်လောက်ကို အင်္ဂလိပ်ဘာသာအဖြစ် အောင်အောင်မြင်မြင် ဘာသာပြန်နိုင်ခဲ့ပါတယ်။ စမ်းသပ်ချက်ဆိုပေမဲ့ အင်မတန် ကြီးကျယ်တဲ့ အောင်မြင်မှုဖြစ်တဲ့အတွက် ကွန်ပျူတာသုံး ဘာသာပြန်စနစ်အတွက် ရန်ပုံငွေ အထောက်အပံ့တွေ ပေးလာပါတယ်။ စက်ဘာသာပြန်စနစ်ကိုလည်း ဆက်ပြီး သုတေသန လုပ်ခဲ့ကြပါတယ်။ ကွန်ပျူတာစက်သုံးပြီး ဘာသာပြန်တဲ့စနစ်ဟာ သုံးနှစ်ကနေ ငါးနှစ်အတွင်းမှာ ပေါ်ပေါက်လာလိမ့်မယ်လို့ ပညာရှင်တွေ မျှော်လင့်ခဲ့ကြပါတယ်။ လက်တွေ့မှာ တိုးတက်မှုက အတော်ပဲ နှေးကွေးတယ်။ ရှေ့ဆက်ပြီး ဆယ်နှစ်ကျော်လောက် ကြိုးစားကြပေမယ့် အများမျှော်လင့်သလို အောင်မြင်မှု မရခဲ့ပါဘူး။ ဒါကြောင့် ရန်ပုံငွေ ထောက်ပံ့မှုတွေလည်း လျော့ကျလာပါတယ်။ ၁၉၈၀ ပြည့်လွန်နှစ်တွေ ရောက်တော့ ကွန်ပျူတာတွေဟာ တွက်ချက်မှု စွမ်းပကားတွေ အတော်ကြီး ကောင်းလာပြီး အရွယ်အစား က တော်တော်သေးလာတဲ့အပြင် ပေါ်ဦးပေါ်ဖျားကထက်စာရင် အများကြီး ဈေးသက်သာလာတယ်။ အဲဒီအချိန်မှာ သိပ္ပံပညာရှင်တွေဟာ ကွန်ပျူတာ ဘာသာပြန်စနစ်ဘက်ကို ပြန်ပြီး စိတ်လည်လာကြပါတယ်။ သာမန် ကွန်ပျူတာ သုံးစွဲသူတွေအတွက် လက်တွေ့ အသုံးပြုနိုင်တဲ့ ဘာသာပြန် ဆော့ဖ်ဝဲတွေက ၁၉၉၀ ပြည့်လွန်နှစ်တွေမှာ ပေါ်လာပါတယ်။ သက္ကရာဇ် (၂၀၀၀) ဝန်းကျင်မှာ မြန်မာပြည်က ကွန်ပျူတာသုံးစွဲသူ တချို့တောင် အဲဒီဆော့ဖ်ဝဲတွေ သုံးစွဲခွင့်ရကြပါတယ်။

Babylon ဘာသာပြန် ဆော့ဖ်ဝဲဟာ ကျွန်တော်တို့ဆီမှာ တော်တော် အသုံးများပါတယ်။ ဒါပေမဲ့ ဘာသာပြန် ဆော့ဖ်ဝဲတွေဟာ စားလုံးတစ်လုံးချင်း၊ ဒါမှမဟုတ် စာကြောင်းတိုတွေ ဘာသာပြန်ရာမှာပဲ အသုံးတည့်တာ များပါတယ်။ တကယ်လက်တွေ့ကျပြီး လူသုံးများတာက online translation service တွေ ဖြစ်ပါတယ်။ အခုအချိန်မှာဆိုရင် Google translate နဲ့ Bing translate ကို အထင်အရှားရှိပြီး ကျန်တဲ့ဒေသဆိုင်ရာ ဘာသာပြန်စနစ် ငယ်တွေလည်း ရှိပါတယ်။ ကောင်းကျိုးက ကိုယ်နားမလည်တဲ့ ဘာသာစကားတစ်ခုနဲ့ ရေးထားတဲ့ Website ကို ဘာသာပြန်ခိုင်းတာနဲ့ တစ်ပြိုင်နက် ကမ္ဘာမှာ လူသုံးအများဆုံး ဘာသာစကား (ဥပမာ-အင်္ဂလိပ်) နဲ့ ဘာသာပြန်ချက်ကို ချက်ချင်းနီးပါး ရနိုင်တာပါ။ (ချက်ချင်းနီးပါးလို့ ဆိုတဲ့နေရာမှာ HSDPA ကို 3Kbps လောက် အမြန်နှုန်းနဲ့ပေးတဲ့ ကျွန်တော် တို့လို နိုင်ငံမျိုးတော့ မပါဘူးပေါ့ဗျာ)။ ဒါပေမဲ့ ကျွန်ပျူတာ ဘာသာပြန်စနစ်ထဲ မထည့်သွင်းနိုင်သေးတဲ့ Farsi နဲ့ Pashto လို ဘာသာစကားမျိုးအတွက်ကတော့ မရနိုင်သေးပါဘူး။

ဒီနေ့ သုံးစွဲနေတဲ့ ကွန်ပျူတာ ဘာသာပြန်စနစ်ဟာ ဘာသာစကားတစ်ခုမှာ သုံးတဲ့စာသားရဲ့ Statical properties ကို ကွန်ပျူတာထဲ သွတ်သွင်းပေးထားပြီး ကွန်ပျူတာက အဲဒါကိုသုံးလို့ တခြားဘာသာစကားတစ်ခုကို ပြန်ဆိုတဲ့ စနစ်ဖြစ်ပါတယ်။ နောက်ထပ် အသုံးများတာကHybird machine Tranlation လို့ခေါ်ပါတယ်။ သူကတော့ Statical based နဲ့ rule based နည်းလမ်းနှစ်ခုကို ပေါင်းစပ်ပြီး သုံးပါတယ်။ လက်ရှိ ကွန်ပျူတာ ဘာသာပြန်စနစ်အရဆိုရင် ဘုံတူညီချက်တွေရှိပြီး နှစ်ဘာသာ အဘိဓာန် စနစ်ပြုစုပြီးသား၊ လူသုံးလည်း များပြီးသားဘာသာတွေအတွက် ကွန်ပျူတာက ကောင်းကောင်း ဘာသာပြန်နိုင်ပါတယ်။ ဥပမာပြရရင် စပိန်-အင်္ဂလိပ်နဲ့ ပြင်သစ်-အင်္ဂလိပ် ဘာသာအတွဲမျိုး ဖြစ်ပါတယ်။ ဒါပေမဲ့ လူသုံးအလွန်နည်းတဲ့ ဒါမှမဟုတ် နှစ်ဘာသာ အဘိဓာန်စနစ် မရှိထားသေးတဲ့ ဘာသာစကားတွေအတွက် ကွန်ပျူတာ ဘာသာပြန်စနစ်ရဖို့ အလွန်ခက်ခဲပါတယ်။ ဒီအခက်အခဲကို ကွန်ပျူတာ နည်းပညာသုံးပြီး ဖြေရှင်းဖို့ ကြိုးစားသူတွေက ကယ်လီဖိုးနီးယား တောင်ပိုင်း တက္ကသိုလ် ပညာရှင် Sujith Ravi နဲ့ Kevin Knight တို့ ဖြစ်ပါတယ်။

လူသုံးနည်းပါးတဲ့ ဘာသာစကားကို အင်္ဂလိပ်ဘာသာလို လူသုံးများ ဘာသာစကားအနေနဲ့ ဘာသာပြန်နိုင်ဖို့ ဆော့ဖ်ဝဲကို သူတို့သုံးပါတယ်။ ဆော့ဖ်ဝဲဟာ လူသုံးနည်း ဘာသာစကားမှာပါတဲ့ စာလုံးတွေကို ဆန်းစစ်ပါတယ်။ စာလုံးတစ်လုံးဟာ ဘာသာပြန်ရမဲ့စာပိုဒ်ရဲ့ နေရာအတော်များများမှာ ပါနေသလား၊ ဒါဆိုရင် အဲဒီစာလုံးဟာ a လို the လို article စာလုံး ဖြစ်နိုင်ပါတယ်။ ဆော့ဖ်ဝဲဟာ ဒီလိုမျိုး မှန်းဆတဲ့ နည်းကို အခြေခံပြီး ဘာသာပြန်အလုပ်ကို လုပ်ဖို့ကြိုးစားပါတယ်။ သဘာဝကျတဲ့ အင်္ဂလိပ်ဘာသာပြန် ဖြစ်စေဖို့အတွက် တခြားဆော့ဖ်ဝဲတစ်ခုကို အကဲဖြတ်ကိစ္စမှာ သုံးပါတယ်။ ဘာသာပြန် ဆော့ဖ်ဝဲမှာပါတဲ့ ဖြစ်နိုင်ခြေ တွက်ချက်မှု စွမ်းရည်ကိုသုံးပြီး အလှည့်အပတ်လေးတွေနဲ့ ဘာသာပြန်မှု ချောမွေ့အောင် လုပ်တာ ဖြစ်ပါတယ်။

လောလောဆယ်မှာတော့ စာသားတိုလေးတွေ (ဥပမာ last year, the fourth quarter စသည်) နဲ့ စမ်းသပ်နေပါတယ်။ စပိန်ဘာသာစကားကနေ အင်္ဂလိပ်ဘာသာစကားကို ဘာသာပြန်တာက အောင်မြင် ပါတယ်။ ကွန်ပျူတာ ဘာသာပြန်တဲ့နည်းကို သုံးပြီး ရုပ်ရှင်ဇာတ်ကား စာတမ်းထိုး (Subtile) ဖို့ ကြိုးစားနေပါတယ်။ သူတို့သုံးတဲ့ ဘာသာပြန် နည်းစနစ်ကို monolingual traslation လို့ နာမည်ပေးထားပါတယ်။ ဘာကြောင့် ဒီနာမည်ပေးရတယ်တော့ မဆိုတတ်ပါဘူး။ စာသား တိုလေးတွေမှာ အောင်မြင်တယ်ဆိုပေမယ့် စာသားရှည်ရှည်နဲ့ ရှုပ်ရှုပ်ထွေးထွေး ဝါကျတွေ ကျရင်ကော အောင်မြင်ပါ့မလားဆိုတာ တွေးစရာပါ။ ဂျွန်ဟောပ်ကင်း တက္ကသိုလ်ရဲ့ သုတေသီ Chris Calisson ကတော့ Ravi နဲ့ Knight တို့ရဲ့ စမ်းသပ်ချက်ဟာ ရှေ့အလားအလာ သိပ်ကောင်းတယ်လို့ ဆိုပါတယ်။ Chris တို့အဖွဲ့ကလည်း ကွန်ပျူတာဆော့ဖ်ဝဲသုံးပြီး ဘာသာပြန်တဲ့အလုပ်ကို စမ်းသပ်နေတာပါ။

သူ့ဆော့ဖ်ဝဲကတော့ data နှစ်မျိုး တစ်ပြိုင်တည်း အလုပ်လုပ်တဲ့ကိစ္စကို ရှောင်ရပါတယ်။ လောလောဆယ် အင်တာနက်ပေါ်က text တွေနဲ့ စမ်းသပ်နေပါတယ်။ မတူညီတဲ့ ဘာသာစကားနှစ်ခုထဲက ကွဲလွဲချက်တွေကို ရှာဖွေပြီးအလုပ်လုပ်တဲ့ နည်းကိုသုံးပါတယ်။ အလုပ်လုပ်တာ နှေးတယ်၊ ဒါပေမဲ့စပိန်နှင့် အင်္ဂလိပ်ဘာသာနှစ်ခုကို ဘာသာပြန်ကြည့်တော့ အောင်မြင်နေပါတယ်။ Ravi နဲ့ Knight တို့အနေနဲ့ ရှေ့ဆက်ပြီးလုပ်ဖို့ ရည်ရွယ်ထားတာကသူတို့ရဲ့ Monolingual နည်းလမ်းဟာ ကမ္ဘာပေါ်မှာ မသုံးတော့တာ ကြာပြီဖြစ်တဲ့ ဘာသာစကားတွေနဲ့ အဓိပ္ပာယ်ဖော်ဖို့ မလွယ်တဲ့ ရှေးဟောင်းဘာသာ စကားတွေကို အဓိပ္ပာယ်ဖော်ရာမှာ ကူညီနိုင်မလားဆိုတဲ့ ကိစ္စဖြစ်ပါတယ်။ ဒီကိစ္စဟာ လုံးဝ ဖြစ်နိုင်တယ်လို့ Ravi က ပြောပါတယ်။ လင်းပိုင်တွေ ပြောတဲ့စကားကိုတောင် အဓိပ္ပာယ်ဖွင့်နိုင်ဦးမှာပါတဲ့။

နောင်စိုး(ထားဝယ်)