FTTx စနစ်တွင် ပါဝင်သော VOIP ဖုန်းလိုင်းများ ဘီလ်စနစ်ဖြင့်သာ သွားမည်
Tuesday, November 6, 2012
0
comments
FTTx စနစ်တွင် ပါဝင်သော VOIP ဖုန်းလိုင်းကို လက်ရှိတွင် ကြိုတင်
ငွေပေးကတ်စနစ် အဖြစ်သို့ ပြောင်းမည်မဟုတ်ဘဲ၊ ဘီလ်စနစ်ဖြင့်သာ
သွားမည်ဖြစ်ကြောင်း သိရသည်။ “လောလောဆယ် ကြိုတင် ငွေပေးကတ်စနစ်ပြောင်းဖို့
အစီအစဉ် မရှိသေးပါဘူး။ ဘီလ်စနစ်နဲ့ပဲ သွားမှာပါ။ လစဉ်ကြေးနဲ့
ဖုန်းဘီလ်အတွက် ကျသင့်ငွေတွေကို ပုံမှန်အတိုင်းပဲ ကောက်ခံနေတာ ဖြစ်ပါတယ်”
ဟု Elite Tech IT Services ကုမ္ပဏီ FTTx ဌာနမှ တာဝန်ရှိသူက ပြောသည်။
အဆိုပါ VOIP (Voice Over Internet Protocol) ဖုန်းလိုင်းမှာ
ပြည်တွင်းပြည်ပ ခေါ်ဆိုခြင်း၊ Video Call၊ Fax Service၊ Caller ID စသည့်
ဝန်ဆောင်မှုများ ရရှိမည်ဖြစ်ကြောင်း သိရသည်။ နိုင်ငံတကာခေါ်ဆိုမှု (I.D.D)
စနစ် ဖွင့်လိုသူများ အနေဖြင့် သီးခြား လျှောက်လွှာ တင်ရမည်ဖြစ်ကြောင်း
အဆိုပါခေါ်ဆိုမှုအတွက် ကျသင့်သော အခွန်အခများအား FEC ဖြင့် ပေးချေရမည်
ဖြစ်ကြောင်း သိရသည်။ ၎င်း VOIP ခေါ်ဆိုမှုမှာ တစ်မိနစ်လျှင် ၅၀ ကျပ်ဖြစ်သည်။
“VOIP မှာ ကျွန်တော်တို့ပေးတဲ့ Devices က ဖုန်းလိုင်းနှစ်လိုင်း
သုံးလို့ရတယ်။ ဒါပေမဲ့ လောလောဆယ် ခွင့်ပြုထားတာက တစ်လိုင်းပဲ ဖြစ်ပါတယ်။
လက်ရှိ ဖုန်းလိုင်းယူထားတဲ့ သူတွေနဲ့ Extension ခွဲတာက ဘယ်နှစ်လိုင်းခွဲခွဲ
ပြဿနာမရှိပါဘူး” ဟု ၎င်းက ဆက်လက် ပြောကြားသည်။ VOIP ခေါ်ဆိုခအား တစ်မိနစ်လျှင် ၅၀ ကျပ်ထက် ဈေးနှုန်းလျှော့ချ သတ်မှတ်ရန်
လတ်တလော အစီအစဉ် မရှိသေးကြောင်း သိရသည်။ “နောက်ပိုင်း ဝန်ဆောင်မှုတွေ
အပြန်အလှန် ဖြစ်လာတဲ့အခါ ဘယ်လိုပဲဖြစ်ဖြစ် ဈေးတွေကတော့
ဝန်ဆောင်မှုအပေါ်လိုက်ပြီး လျှော့ချလာကြမယ်လို့ မျှော်လင့်ရပါတယ်။
ကျွန်တော်တို့ အနေနဲ့လည်း ကြိုးစားနေပါတယ်” ဟု ၎င်းက ဆိုသည်။ ၎င်း FTTx စနစ်မှာ
အင်တာနက်၊ VOIP ဖုန်းလိုင်း၊ ရုပ်သံလိုင်းများ ပါဝင်သောTripe play
ဝန်ဆောင်မှုဖြစ်ပြီး ဖုန်းလိုင်းတစ်လိုင်း ထပ်တိုးမည်ဆိုပါက တပ်ဆင်ကြေး၊
နှစ်စဉ်ကြေး အပါအဝင် စုစုပေါင်း တစ်သိန်းတစ်သောင်းကျပ်
ကျသင့်မည်ဖြစ်ကြောင်း သိရသည်။ လက်ရှိ Elite Tech IT Services
ကုမ္ပဏီအနေဖြင့် ရန်ကုန်မြို့အတွင်း ၁၆ မြို့နယ်တွင်
ဝန်ဆောင်မှုပေးလျက်ရှိပြီး လတ်တလော အင်တာနက်နှင့် ဖုန်းလိုင်းနှစ်မျိုးသာ
ပါဝင်သေးသည်။ ထပ်မံတိုးချဲ့မည့် IPTV ရုပ်သံလိုင်းများတွင်
အခမဲ့ရုပ်သံလိုင်း နှစ်လိုင်းနှင့် အခပေး ရုပ်သံလိုင်း ၁၈ လိုင်းပါဝင်မည်
ဖြစ်ကြောင်း သိရသည်။
(ထွန်းထွန်း)
(ထွန်းထွန်း)
0 comments:
Post a Comment