Windows 8 အသုံးပြု Laptop နှင့် Tablet များ ပြည်တွင်းဈေးကွက်သို့မကြာမီ ဝင်ရောက်တော့မည်
Tuesday, November 6, 2012
0
comments
Windows 8 အသုံးပြု Laptop နှင့် Tablet များ ၂၀၁၂ နိုဝင်ဘာလ ပထမအပတ်နှင့်
၂၀၁၃ နှစ်ဦးပိုင်းများတွင် ဝင်ရောက်လာဖွယ် ရှိကြောင်း အဆိုပါ
ပစ္စည်းများကို တင်သွင်း ရောင်းချသည့် ကုမ္ပဏီများမှ တာဝန်ရှိသူများက
ပြောသည်။ “နိုဝင်ဘာလ ပထမပတ်လောက်ဆိုရင် Windows 8 အသုံးပြု Laptop နဲ့
Tablet တွေ ဈေးကွက်ထဲကို ဝင်ရောက်ပါပြီ။ Windows 8 အသုံးပြုထားတဲ့ Acer
Aspire S7 Ultrabook နဲ့ Acer Iconia W511 Tablet တွေ ဝင်ရောက်မှာပါ။ Acer
Aspire S7 Ultrabook မှာ စကရင်က Touch စနစ် ဖြစ်သွားပါတယ်။ စကရင်ကို ၁၈၀
ဒီဂရီအထိ လှန်ပြီးတော့လည်း ကြည့်လို့ရပါတယ်။ Acer Iconia W511 Tablet ကတော့
Intel Atom processor ကို အသုံးပြုထားတဲ့အတွက် Netbook တစ်လုံးကဲ့သို့
မြင့်မားတဲ့ စွမ်းဆောင်ရည်ဖြင့် အသုံးပြုနိုင်မှာ ဖြစ်ပါတယ်။ Tablet အနေနဲ့
အသုံးပြုနိုင်သလို Docking နဲ့ ချိတ်ဆက်ပြီးတော့လည်း Netbook
တစ်လုံးကဲ့သို့ အသုံးပြုနိုင်မှာ ဖြစ်ပါတယ်” ဟု Acer အမှတ်တံဆိပ်
ကွန်ပျူတာများကို တင်သွင်း ရောင်းချသည့် ရွှေလမင်းနဂါး ကုမ္ပဏီလီမိတက်မှ
Marketing Manager ကိုအောင်သူရက ပြောသည်။ “၂၀၁၃ ခုနှစ် နှစ်ဆန်းပိုင်းလောက်မှာ Windwos 8 အသုံးပြုထားတဲ့ MSI S20
Tablet ကို စတင် တင်သွင်း ဖြန့်ချိမှာပါ။ Tablet က Keyboard တွဲဖက်ပါဝင်တဲ့
Slide ပုံစံ ဖြစ်ပါတယ်။ Keyboard သုံးချင်တဲ့အချိန်မှာ ဆွဲထုတ်
အသုံးပြုနိုင်ပြီး မလိုအပ်ဘူးဆိုရင် ပြန်သိမ်း ဆည်းနိုင်မှာ ဖြစ်ပါတယ်။
Tablet မှာ 3rd Gen Ivy bridge processor အသုံးပြုထားပါတယ်” ဟု MSI
အမှတ်တံဆိပ် ကွန်ပျူတာများကို တင်သွင်း ရောင်းချသည့် Royal Smart Co.,Ltd
မှ Marketing Manager ကိုကောင်းမြတ်ထွန်းက ပြောသည်။ “ကျွန်တော်တို့ ASUS
အမှတ်တံဆိပ် အနေနဲ့ကတော့ Windows 8 နဲ့ ပတ်သက်ပြီး Notebook နဲ့ Tablet
ပေါင်းစပ်ထားတဲ့ ပုံစံဖြစ်တဲ့ ASUS Taichi ကို တင်သွင်းမှာပါ။ သူကတော့
Notebook အဖြစ်လည်း အသုံးပြုနိုင်သလို Screen ကို လှန်ပြီးတော့လည်း Tablet အဖြစ် အသုံးပြုနိုင်မှာ ဖြစ်ပါတယ်။ နောက်တစ်လလောက် နေရင် မြန်မာပြည်
ဈေးကွက် ထဲကို ဖြန့်ချိနိုင်မယ်လို့ ထင်ပါတယ်” ဟု Golden Power Technology
မှ ဒါရိုက်တာ ကိုသန့်ဇင်ထွေး က ပြောသည်။ Windows 8 မိတ်ဆက်ပွဲကို
အောက်တိုဘာလ ၂၆ ရက်နေ့က ကမ္ဘာအရပ်ရပ်တွင် ကျင်းပပြုလုပ်ခဲ့သလို
အဆိုပါနေ့ရက်တွင် Acer မှ Acer Windows 8 Product Launching ကို
ပြုလုပ်ခဲ့သည်။
(ရတနာပုံ)
0 comments:
Post a Comment