မြောက်ဦးမြို့အား ခရိုင်မြို့အဖြစ် သတ်မှတ်မည်
Sunday, December 2, 2012
0
comments
ရခိုင်ပြည်နယ် အတွင်းရှိ
မြောက်ဦးမြို့ကို ခရိုင်မြို့ အဖြစ် သတ်မှတ်သွား မည်ဖြစ်ကြောင်း
ရခိုင်ပြည်နယ် အစိုးရအဖွဲ့ရုံး မှ သိရသည်။ စစ်တွေခရိုင် မြောက်ဦးမြို့အား
ခရိုင်မြို့အဖြစ် သတ်မှတ်ရန် အတွက် ကျင်းပပြီး စီးခဲ့သည် ပထမအကြိမ်
ရခိုင်ပြည်နယ် လွှတ်တော်၊ စတုတ္ထပုံမှန် အစည်းအဝေးတွင် ဆုံးဖြတ် အတည်ပြု ခဲ့ပြီး
ဖြစ်ကြောင်း သိရသည်။ လက်ရှိတွင် ရခိုင်ပြည်နယ် အတွင်း မြို့နယ်ခွဲသုံးခု အပါအဝင်
မြို့နယ်ပေါင်း ၂၁ ခုရှိပြီး ခရိုင်လေးခရိုင် ရှိကြောင်း၊ ယင်းတို့ အနက်
မောင်တောခရိုင်တွင် မောင်တော၊ ဘူးသီးတောင် ၊ တောင်ကုတ်မြို့နယ်ခွဲ
စုစုပေါင်း သုံးမြို့နယ်၊ စစ်တွေခရိုင် တွင် စစ်တွေ၊ ကျောက်တော်၊
မြောက်ဦး၊ မင်းပြား၊ မြေပုံ စုစုပေါင်း ရှစ်မြို့နယ်၊
ကျောက်ဖြူခရိုင်တွင် ကျောက်ဖြူ၊ ရမ်းဗြဲ၊ မာန်အောင်၊ အမ်း
စုစုပေါင်းလေးမြို့နယ်၊ သံတွဲခရိုင်တွင် သံတွဲ၊ တောင်ကုတ်၊ ဂွ၊
မအီမြို့နယ်ခွဲနှင့် ကျိန္တလီမြို့နယ်ခွဲ စုစုပေါင်း ငါးမြို့နယ်တို့ဖြင့်
ပါဝင်ဖွဲ့စည်းထားပြီး ဖြစ်ကြောင်း သိရ သည်။ “ပြည်နယ်လွှတ်တော်က
ဆုံးဖြတ် လိုက်ပြီဆိုပေမယ့် လုပ်ထုံး လုပ်နည်းတွေအရ အဆင့်ဆင့်
ဆောင်ရွက်ရဦးမှာပါ။ ပြည်ထောင်စု အစိုးရ အဖွဲ့ထိ တင်ပြဆောင်ရွက် သွားရမှာမို့
မြောက်ဦးခရိုင်က ချက်ချင်း လက်ငင်းကြီးတော့ ဖြစ်လာဦးမှာ မဟုတ်သေးပါဘူး။
အနည်းဆုံး သုံး၊ လေးနှစ်လောက် ကြာဦးမှာ ဖြစ်ပါတယ်” ဟု ရခိုင်ပြည်နယ်
အထွေထွေ အုပ်ချူပ်ရေး ဦးစီးဌာန အငြိမ်းစား အရာရှိ တစ်ဦးက ဆိုသည်။ ခရိုင်အဖြစ် တိုးမြှင့်မည့် မြောက်ဦးမြို့မှာ စစ်တွေ ခရိုင်တွင်
ပါဝင်ပြီး (၁၉၇၄) ခုနှစ် မတိုင်မီ အုပ်ချူပ်ရေး စနစ်ဟောင်းက
နယ်ပိုင်ဝန်ထောက် ရုံးစိုက်ရာ ခရိုင်ခွဲဖြစ်ခဲ့ကြောင်း၊
မြောက်ဦးခရိုင်ခွဲတွင် မြောက်ဦး၊ ကျောက်တော်၊ ပုဏ္ဏားကျွန်း မြို့နယ်များ
ပါဝင်ခဲ့ကြောင်း သိရသည်။ “မြောက်ဦးကို ခရိုင်မြို့အဖြစ် သတ်မှတ်မယ်လို့တော့ ပြောသံကြားတယ်။ ဒါဟာ
ကောင်းတဲ့ လက္ခဏာပါပဲ။ မြောက်ဦးမြို့ က ဒေသတွင်းမှာဆိုလဲ မင်းပြား၊
ကျောက်တော်နဲ့ ဆိုရင် ဒေသအနေ အထားအရ အချက်အချာ ကျပြီးတော့ ပထဝီ အနေအထား အရ
မြို့သုံးမြို့ရဲ့ အလယ်မှာ ရှိနေပါတယ်။ နောက်ပြီး ယဉ်ကျေးမှု
အမွေအနှစ်လက်ရာတွေ ထွန်းကားတဲ့ မြို့တော်တစ်ခု ဖြစ်တဲ့ အတွက်
ကမ္ဘာလှည့်ခရီးသည်တွေ စိတ်ဝင်စားစွာ လာရောက်လည်ပတ်တဲ့ မြို့တမြို့ဖြစ်ပါတယ်။
ဒါကြောင့် မြောက် ဦးမြို့ ခရိုင်မြို့အဖြစ် သတ်မှတ်မယ် ဆိုရင်
မြောက်ဦးမြို့ရဲ့ ဒေသခံ တစ်ယောက်အနေနဲ့ သိပ်ပြီး ဂုဏ်ယူပါတယ်။
ဝမ်းလဲသာပါတယ်။” ဟု မြောက်ဦးမြို့ နာရေးကူညီမှု အသင်း၏ တွဲဖက် အတွင်းရေးမှူး
ဦးရွှေတင်က ပြောသည်။ “ခရိုင်မြို့အဖြစ် သတ်မှတ်လိုက် ရင်တော့ ခရိုင်မြို့နဲ့ ညီညွတ်တဲ့
မြို့အဖြစ် သက်ဆိုင်ရာကနေ လုပ်ပေးရမှာ ဖြစ်ပါတယ်။ ခရိုင်မြို့ တစ်မြို့ရဲ့
စံချိန်စံညွှန်း၊ ဥပမာ ရုံးတွေ၊ လမ်းတွေ ဒီ့ထက်ပိုကောင်း မွန်အောင်တော့
အစစအရာရာ လုပ်ပေးရာမှာပေါ့။ နောက်ပြီး ရုံးတစ်ရုံးစီမှာ ခရိုင်ရုံးအဖြစ်
ထပ်ဖွင့်တဲ့အခါ ဒီက ဒေသခံတွေကိုပဲ ဦးစားပေးဖို့ လိုပါတယ်” ဟု
မြောက်ဦးမြို့ ရခိုင်လူငယ်များ ကွန်ရက်မှ အထွေထွေ အတွင်းရေးမှူး
ကိုထွန်းထွန်းက ပြောသည်။ မြောက်ဦးမြို့သည် ကမ္ဘာလှည့် ခရီးသည်များ လာရောက်ရာ ရှေးဟောင်းယဉ်ကျေးမှု
အမွေအနှစ်ဒေသကြီး တစ်ခု ဖြစ်သည့် အပြင် ရှေးဟောင်းအနု လက်ရာများ
ပေါများကြွယ်ဝသည့် မြို့တစ်မြို့ဖြစ်သည်။
0 comments:
Post a Comment